Augurius de Bonas Festas a totu sa bidda de Quartu
- Dettagli
- Scritto da Guido Sarritzu
S’assessori a s’imparu pùbricu, a sa cultura e a sa lìngua sarda, impari a totu s’assessorau, bolit fai is augùrius suus a totu sa bidda de Quartu, a is quartesus e totu is chi ant scioberau de bivi innoi.
S’augùriu est chi bidda nosta, chi oi est una tzitadi, potzat sighiri a cresci faendi cuncordai su connotu, is traditzionis nostas, cun sa modernidadi de oi e faendi caminai impari su chi seus stètius e su chi eus a podi essi cras.
Ca sceti sciendi su chi seus stètius podeus bivi oi e cras e si podeus cunfrontai cun is atrus pòpulus de sa terra.
Cun sa stòria nosta si podeus presentai a su mundu e impari a su mundu podeus scambiai e cresci.
E intzandus deu bollu chi bidda nosta no si ndi scarèsciat mai de sa stòria sua e ddi auguru de essi pronta a arriciri, e finas a sedatzai, totu is cosas bonas chi ndi benint de foras.
Custus funt is valoris de s’assessorau nostu e de mei.
S’augùriu miu duncas, est de si passai beni is festas, in domu o cun chini disigiais, po chi sa Paschixedda siat bona po totus e si donghit in strina, arregalus de paxi in dònnia domu e po chi nci potzaus bogai totu is cosas malas cun s’annu bèciu e potzaus cumentzai cun s’annu nou unu tempus de brofetu in sa bidda de Quartu e in totu sa Sardìnnia.
Bona Paschixedda a totus!
Bonus acabus e mellus printzìpius!
S'Assessori a s’Imparu pùbricu, a sa Cultura e a sa Lìngua sarda Guido Sarritzu
Chirca in psdaz.net
Úrtimos artìculos
-
Proroga del tesseramento al Partito
-0001-11-30 01:00:00 -
Festa sardista 3-4 agosto 2021 a Porto Torres: Psd’Az da #chentannos partito del Popolo sardo
2021-07-29 03:55:50 -
Partidu Sardu, Chent'annos e Fortza Paris
2021-04-17 13:45:48