Sos puntos de su programma de su Partidu Sardu
- Dettagli
- Scritto da Redazione
Su primu deretu, chi no nde podimus fàghere a mancu, est s’autoguvernu, duncas s’indipendèntzia de sa natzione sarda, a sa cale cherimus lòmpere a manera patzìfica e democràtica.
*** *** ***
Nointamen, in s’alleàntzia de guvernu amus sebestadu unos puntos programmàticos chi in custu momentu istòricu e sotziale loden donare rispostas seguras e prontas a is sardos:
Bilinguismu, Reconnoschimentu prenu de sa minoria linguìstica sarda a tales de èssere rapresentados in su parlamentu europeu.
Insinnamentu de sa limba sarda in totu is iscolas de cale si siat òrdine e gradu, discriminante positiva de sa connoschèntzia de su sardu in is cuncursos pùblicos e presèntzia adecuada de su sardu in totu is mèdios massivos.
Energia, Aprovu de unu pianu energèticu regionale pro parare barra a is aconcadas de su guvernu tzentrale, pro firmare su isrobatòriu de is risursas de sa terra nostra e pro impedumare is situatziones de monopòliu.
Crèditu, Atzione polìtica e negòtziu continu cun is bancas; possibilidade de atzessu a su crèditu in manera giusta e investimentu de su rispàrmiu regortu in Sardigna in s’economia nostra etotu.
Zona Franca Integrale, autoguvernu fiscale, coberamentu diretu de is intradas e prus craresa pro su chi pertocat su tramudòngiu de is tributos erariales chi ispetant pro lege a sa Sardigna.
Iscritura de s’Istatutu nou de su Pòpulu sardu, chi punnet a s’autoguvernu de sa natzione sarda.
Continuidade territoriale, pro sa gente e pro is mercantzias e ismanniamentu de is trasportos internos.
Torrare a mòvere dae sa terra, Agiudos a sa massaria, a su pastoriu, a s’apicultura e pro su prus a totu is produtos chi benint produidos in Sardigna.
Agiudos a is famìllias e a is impresas, Essida dae is vìnculos de su patu de istabilidade e ammàniu deretu de risursas pro indanimare is consumos.
Servitudes militares Ismilitarizatzione, bonìfica e ricunversione econòmica de is terras ocupadas dae is bases militares gràtzias a una fiscalidade de vantàgiu chi siat a tretu de favorèssere is investimentos, isvilupu de polos pro sa chirca e pagamentu de is dannos a is abitantes interessados.
Territorialidade de sa pena, No a sa Sardigna tratada comente a unu colònia penale de s’Itàlia Pianu de investimentos pro sa valorizatzione de su patrimòniu ambientale e archeològicu cun sa bonìfica de is giassos contaminados, cun cunseguèntzias positivas pro s’ocupatzione.
Referendum subra s’Indipendèntzia.
*Traduzione a cura di Ivan Marongiu