Su luttu de sa Zente Nostra est comintzadu su 18 de Sant'Andria sena perunu bisonzu de annuntzios ufitziales!

Dettagli

Pubblicato Sabato, 23 Novembre 2013 17:36

Scritto da Redazione

Nois semu in luttu!

Sa Natzione Sarda est in luttu.

Su luttu de sa Zente Nostra est comintzadu su 18 de Sant' Andria sena perunu bisonzu de annuntzios ufitziales!

Amos pessadu nois 'e totu a sa sola, chin su coro, totus'impare sena ordines iscritos, sena isettare chi callec'un'ateru l'esserede pessadu pro nois.

Nois semu su Populu sardu!

E no tenimos né tempus né bisonzu de custas lereddias interessadas, proite semus impinnados a fagher' ateru.

Totu sa Zente Nostra in custu mamentu de iscunfortu e tristura est impignada a si pesare a ritza cumente semus abituados a fagher dae sempere.

Impignados a baidare a innantis e a torrare a favricare su venidore chin fortza, argulliu e dignidade.

Una die de luttu no bastat pro chie at perdidu totu.

Pro chi est galu afogadu in su ludu e cucuzadu dae sos muros derrutos, custrintu a parare fronte chin sa morte in su coro custa disgratzia manna chi nos est falada dae chelu.

• < Prec
• Succ >