1. Skip to Menu
  2. Skip to Content
  3. Skip to Footer

In Terranoa su 30, 31 agustu e 1° die de capidanni s'Iscola de s'istiu de s’A.L.E. “Andalas de Indipendèntzia”

Condividi

Bos cumbidamus cun piaghere a s'Iscola de s'istiu de s’A.L.E. “Andalas de Indipendèntzia”, amaniada dae su Partidu Sardu, chi s'at a fàghere in Terranoa su 30, 31 agustu e 1° die de capidanni de su 2013, in sa sala pro sas cunferentzias de s'Expò, carrela Portu Romanu,6.

Ant a èssere tres dies prenas de arresonos e relatas de importu mannu afurriu de temas, comente sa Zona Franca, s'Identidade e sa Curtura, chi ant a inditare su camminu cara a s'Indipendentzia.

Istudiosos, politicos e parlamentares europeos ant a relatare e arresonare de s'Indipendentzia de sa Sardigna e de àteras Natziones chene Istadu.

Sicuros chi ades a èssere interessados e presentes a custu mamentu de importu mannu pro dare un'ispera manna e bona a sos Pòpulos chene Istadu oprimidos, bos imbiamus sos saludos prus calorosos e corales.

Organizatzione de sa Segreteria Natzionale de su Partidu Sardu - Partito Sardo d’Azione.

Condividi

Chirca in psdaz.net